Mind Mirror Apardı

Ölkədaxili səsvermə çəkişməli keçmədi:) Adam azlığına görə deyirəm. Yoxsa xal baxımından mahnılar bir birilərinə çox yaxındı. Ancaq özündən sonranı cəmi 3 xal qabaqlayan Mind Mirror yollanır İrlandiyaya.

Mind Mirror Azərbaycanın ən talantlı gənclərindın biri olan Mikayıl Rəfiyevin solo proyektidir. Və bu proyekti ilə birgə saysaq Mikayıl Rəfiyev artıq 3-cü dəfədir ki TC yarışına qatılacaq. Bundan əvvəl o Mechanic Fist və Midnight qrupları ilə yollanmışdı yarışa. Ən uğurlu nəticəsi isə Midnight ilə 8-ci yeri tutması olmuşdu. Tərzi acid jazz-a yaxın olan Mind Mirror öz musiqisinin ətrafında dolaşan fikirlər olduğunu və çoxdandır bu fikirləri notlara tökmək istədiyini deyir. Mika, sənə uğurlar!

Nominant Olduq (Qaldıq)

Hobbi olaraq açdığım TC-Azerbaijan bloqu, Millinet internet mükafatında nominantlığa yüksəlsə də elə nominant olaraq qaldı:) “Fərdi sayt və bloqlar” kateqoriyasında 61 saytla yanaşı yarışan TC-Azerbaijan Top-5 sayt arasına keçə bilmişdi. Ancaq dünən keçirilən təqdimetmə mərasimində aydın oldu ki, qələbə mənlik deyil:)

Mənə biraz həyəcan, aznetə isə biraz rəqabət gətirdiklərinə görə şəxsən tanış olmasam da Osman Gündüz bəyə və bütün təşkilatçılara dərin minnətdarlıq!

Sonda sizə də maraqlı gələ biləcək münsif dəyərləndirməsini bölüşürəm:

2009 Rəqəmlərlə

İlin tamam olmasını gözləməyə səbrim yoxdu:) Sizi çox maraqlı rəqəmlərlə tanış edəcəm. 11 ay geridə qaldı, bunlardan 10-da yarışdıq. 10 ayda səs topladıq, 10 ayda səs verdik. Bəs görəsən kimi daha çox bəyəndik və hansı ölkələr bizə ən çox xal verən ölkələr oldu? Aşağıdakı 2 cədvəl suallarımıza aydınlıq gətirəcək. Beləliklə statistika sevərlər üçün TC-nin 2009-cu ilinin Yanvar-Noyabr ayları üçün statistikası:

Yanvar 2010 Seçmələri

İsti-isti 7 mahnı diqqətinizə çatdırıram. Bunlardan hansının gələn ilin Yanvar ayında bizi təmsil edəcəyinə sizin verdiyiniz səslər qərar verəcək. Mahnıları tam formatda verməmək qərarına gəldim, çünki TC iştirakçıları üçün qulaq asılan mahnı sonradan adiləşmiş vəziyyətə gələ bilir.

Verilən 7 mahnını ən bəyəndiyinizdən başlayaraq sırasıyla 10, 7, 5, 4, 3, 2, 1 xalları ilə qiymətləndirməyiniz xahiş olunur. Qaydadan kənar heç bir səs qəbul edilməyəcək.

1. Edem – Чтоб Ты Сдох
2. Midnight – Unudulmuş
3. Tünzalə – Building of the Peace
4. Mechanic Fist – Invisible Bonds
5. Azerilife Inc. – Dance Like Me
6. 3.14 – Поиски Утешения
7. Mind Mirror – I’ll Never Find

Ölkədaxili seçmələrin son səsvemə tarixi və saatı: 20 Dekabr 23:59 (GMT +4)

Kaskadiaya Səyahət

Cascadia Şimali Amerikanın sahillərinin Sakit okeanla yuyulan  şimal-qərb hissəsidir. TC ailəsi olaraq təbiəti çox sevdiyimizdən yolumuzu əyalətin “vəhşi” bölgələrindən salırıq. Bunlardan biri Washington-dakı Rialto Beach:

Təxmin etdiyiniz kimi ev sahibi bu dəfə də ABŞ-dır. Rusiya, Hollanda və Kipr isə göstərdikləri zəif nəticələrə görə Dekabr yarışından kənar qalmalı oldular.

Safura 32-cidir

Yəqin ki bundan daha yaxşısına layiq deyil ki, elə 32-ci oldu. Bilmirəm, bilmirəm.. Azərbaycan elə də tanınmış ölkə deyil deyə mi heç kim səs vermək istəmir, yoxsa mahnı həqiqətən də o yerlikdi? Hər halda nəticəni mübahisə etmək olar. Amma kimlə? Və niyə? Səslər verilib, hər şey aydındı. Bu ağrıyla yaşamaq qalır bizə:)

Safura 31 xalı Avstriya (5), Braziliya (4), Finlandiya (8), Moldova (6), Norveç (3) və İsveçrə (5)-dən aldı.

“Qonşu”larımızda Rusiya sondan 4cü olmaqla 1 aylıq istirahətə yollandı:)

ABŞ ikinci dəfə üst-üstə qalibdi. Bu qalibiyyət əvvəlkindən fərqli olaraq böyük fərqlə oldu. Vitse-çempion mənim yetkinlik dövrü sevgilim Şakiradı. Bunun bizdən 12 xalı almağı ilə heç bir əlaqəsi yoxdu desəm yalan olar:) Çünki onu həmişə bəyənmişəm, özünü də, mahnılarını da, səsini də. Bəlkə onu hələ də sevirəm:) Monoton və sıxıcı mahnılarıyla mənə heç bir təsir etməyən Rasmus qrupu isə 3-cü oldu.

İlk onluqda mənim səs vermədiyim 6 ifaçı görürəm. Onları görməsəm yaxşı idi, çünkü heç birini görməyə gözüm yoxdu.

1. (217) USA – Owl City – Fireflies (Daniel)
2. (146) Colombia – Shakira – Men In This Town (Juan)
3. (137) Finland – The Rasmus feat. Anette Olzon – October & April (Juho)
4. (131) Germany – Cassandra Steen feat. Adel Tawil – Stadt (Daniel)
5. (106) Sweden – Caroline Jönsson – By My Side (Liza)
6. (100) Canada – Tegan and Sara – Hell (Elia)
7. (97) Australia – Sarah Blasko – We Won’t Run (Andrew)
8. (97) France – Eiffel – A tout moment la rue (Lionel)
9. (86) Malaysia – Stacy – Pakai buang (Freddie)

İlin Son Ayında İlin Son Şansı

Və bu şansdan Red Sky qrupu istifadə etməyə çalışacaq. Düzünü desəm onların hər hansı bir yüksək nailiyyət əldə edəcəyinə inanmıram, amma əlimdə olan mahnılardan “Qarşısı alına bilməyən arzu”nun (Irresistible Desire) Dekabr’09 təmsilçimiz olmağı ən uyğun seçim kimi görsənir mənə. Mahnıda gözəllik var, maraqlılıq var ancaq nəsə çatışmır, elə buna görə də özüm mahnını axırlarda görürəm. Əlbəttə Leyla Ramazanlının “Getmə (remix)”,  Yaşarın “Səni sevməyi sevirəm”, Azərilife Inc. “Dance like me” və s. kimi mahnılarla da həmin axırıncı yerləri əldə etmək olardı, bəs niyə Red Sky deyə soruşsaz, çünkü rok və hətta sadəcə çünkü cavabıyla qarşılaşa bilərsiniz:)

Xatırlayırsınızsa Red Sky TC-də artıq bir dəfə iştirak etməyə imkan tapıb. O vaxtdan dəyişikliklərə məruz qalan qrupun hazırki üzvləri bunlardır:

• Araz Qümbətli
• Vüqar Əliyev
• Sabir Nəcəfov
• Nurxan

Qrup hal-hazırda qızğın məşq edir və yeni mahnılar yazır. İrresistible Desire mahnısında saksafon istifadə olunub ki, bu da qrupun səslənməsini dəyişdirən amillərdən biridir.

Trek həmişə olduğu kimi sağ yuxarı küncdəki pleyerdədi.

Nebraska Bizi Salamlayır!

ABŞ-dan olan Daniel adlı iştirakçının qalibiyyətindən sonra onun yaşadığı ştat olan Nebraska ev sahibi qismindədir.

43 fərqli ölkədən 43 fərqli mahnılar aşağıda:

Çox pis!

Bəli, yazının başlığı Azərbaycanın Oktyabr üçün olan nəticəsini xarakterizə edir. Mən hər bir işin müsbətini fikirləşirəm. Ona görə əslində bundan daha pisi Gürcüstan kimi sonuncu yeri tutub, yarışmadan 1 aylığına kənarlaşdırılmaq olardı ki, çox şükür bu başımıza gəlmədi:) Bizi tək bir ölkənin-Bolqarıstanın verdiyi 7(!) xal xilas etdi.

2 xalla rəqibini üstələyən ABŞ Oktyabr ayının qalibi oldu.

1. 126 USA – Rob Thomas – Her Diamonds (Daniel)
2. 124 Argentina – Miranda! – Mentía (Gastón)
3. 119 Netherlands – Anouk – Three Days In A Row (Nienke)
4. 114 Australia – Natalie Imbruglia – Want (Andrew)
5. 91 Germany – Linda Teodosiu – Reprogram My Heart (Daniel)
6. 90 Cyprus – Michalis Hatzigiannis – Anapoda (Fotiana)
7. 90 Ireland – Sharon Corr – It’s Not a Dream (Manus)
8. 85 United Kingdom – Matinee Club – Seven Oceans (Martin)
9. 78 Norway – Annie – Songs Remind Me of You (Stian)
10. 78 Sweden – Sarah Dawn Finer – Standing Strong (Liza)

Oktyabr-da Təranə ilə

Avqust ayında mahnını və xalları vaxtında yollaya bilmədiyimdən Azərbaycan Sentyabr ayında iştirakdan məhrum edildi. Ancaq Oktyabr 09 başladı və bizə bir şans daha verən TC-lilər bizi aralarında görmək istədiklərini açıq aydın ifadə etdilər:) Bu bizi sevindirməyə bilməz..

Bu ayda da səsverməni son günə saxladım.. və nəhayət üzümüzü qara çıxarmayacaq bir mahnı çıxdı son gündə. Mahnı o qədər də yaxşı deyil, ancaq heç olmasa bizim estradadan qat-qat yaxşıdı. Mahnının prodyusserləri Azerilife İnc-dir. İfaçı isə Tarana adlı gözəl bir xanımdı. Əslində bu xanımı heç bir dəfə olsun belə görməmişəm. Gözəl olduğu isə “bütün qadınlar gözəldir” düsturundan çıxıb yazıram:) Tarana-nın mahnısına səhifənin sağ yuxarı küncündəki pleyerdən qulaq asa bilərsiniz.

Britaniyanın Blackpool şəhərinin ev sahibi olduğu Oktyabr ayında Tarana-dan başqa 42 ölkənin təmsilçisi var ki onlar da aşağıdakılardır: